Қатар Юлдузлар лигасида тўп сураётган ўзбекистонлик футболчилар учун чемпионатнинг сўнгги тури омадли келди. Аввалига Темурхўжа Абдухолиқов дубл қайд этиб, жамоасига ғалаба келтирган бўлса, эртаси куни Сардор Рашидов ва Санжар Турсунов ҳам гол уришга муваффақ бўлди.
Турсунов ҳаракат қилаётган «Ал-Ҳарайтият» клуби сўнгги турда 2:0 ҳисобида зафар қучди ва мавсумни 7-ўринда якунлашга эришди. Санжар Турсунов ўтган турда бўлгани каби, бу сафар ҳам ўз номини таблога ёздириб қўйди.
فيديو : هدف الخريطيات الاول على الغرافة عبر تورسونوف د9 #دوري_نجوم_قطر #الغرافة_الخريطيات pic.twitter.com/wRhZMfUIXp
— قنوات الكاس (@AlkassTVSports) April 15, 2017
Маълумот учун, Санжар Турсунов Қатар чемпионатининг иккинчи давраси арафасида жамоа сафига қўшилганди. У «Ал-Ҳарайтият» сафида 13 та ўйинда иштирок этиб, 2 та гол уришга муваффақ бўлди ва барча ўйинларда асосий таркибда майдонга тушди.
Санжар Турсунов мана шу вақт давомида Ўзбекистон миллий терма жамоасидан чақирув қоғози олгани йўқ.
Сардор Рашидов тўп сурадиган «Ал-Жаиш» мавсумни мағлубият билан якунлади. Испаниялик машҳур футболчи Хави тўп сурадиган «Ас-Садд»га қарши ўйинда Рашидов Ван Бастен услубида гол урди. Бир тур аввал Санжар Шоаҳмедов ҳам Хави тўп сурадиган клуб постига гол уришга эришганди.
https://www.instagram.com/p/BS6eFpRFRKy/?taken-by=alkasssports
Маълумот учун, Рашидов чемпионат давомида 24 та ўйинда иштирок этиб, 13 та гол уришга муваффақ бўлди. Шу тариқа футболчи Юлдузлар лигаси тўпурарлари орасида 7-ўринга кўтарилиб олди. Темурхўжа Абдухолиқов эса 10 та ўйинда 7 гол урди.
Қатарда чемпионат ўз якунига етди. Унда ўзбекистонлик футболчилар тўп сурадиган клублар катта муваффақиятга эришмаган бўлса-да, лигада жон сақлаб қола билди. Футболчиларнинг ўзи эса жамоасининг асосий футболчиси бўла олди.
Қатар Юлдузлар лигаси 26-тур ўйинлари 15 апрель, шанба
«Ал-Ҳарайтият» — «Ал-Гарафа» 2:0
Голлар: Санжар Турсунов, 9 (1:0). Тиберканине, 40-пен (1:1).«Ас-Садд» — «Ал-Жаиш» 2:1
Голлар: Ҳамза Санҳажи, 10 (1:0). Ҳассан Холид, 24-пен (2:0). Сардор Рашидов, 67 (2:1).
Изоҳ (0)