XKS ekipaji Yerga qaytdi. Kosmonavtlar 173 kun orbitada bo‘ldi

Xalqaro kosmik stansiyaning 50-uzoq muddatli ekspeditsiyasi ekipaji Yerga qaytdi. Bu haqda “Roskosmos”ning Twitter’dagi sahifasida axborot berilgan.

Rossiyalik Andrey Borisenko va Sergey Rijikov, shuningdek, NASA astronavti Robert Kimbrou boshqariladigan “Soyuz MS-02” kemasida Qozog‘iston hududiga qo‘ndi. Ularning XKSdagi ekspeditsiyasi 173 kun davom etdi.

#СоюзМС02: есть посадка! Космонавты Андрей Борисенко, Сергей Рыжиков и астронавт Роберт Шейн Кимброу вернулись на Землю. Добро пожаловать! pic.twitter.com/Y7qyL59ozG

— РОСКОСМОС (@roscosmos) April 10, 2017

Andrey Borisenko, Sergey Rijikov va Robert Kimbrou 2016-yil 19-oktabr kuni XKSga yo‘l olgan edi. Kema parvozi dastlab 23-sentabrga rejalashtirilgan edi, biroq boshqaruv tizimidagi nosozlik sabab parvoz sanasi ko‘chirilgan edi.

Parvoz rejasiga ko‘ra, Borisenko, Rijikov va Kimbrou orbitada 130 kun davomida bo‘lishlari lozim edi, biroq keyinroq missiya muddatini uzaytirishga qaror qilindi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!