Moskva Suriyada ko‘zda tutilmagan holatlar oldini olish va aviatsiya parvozi xavfsizligini ta’minlash haqidagi memorandum amalda bo‘lishini to‘xtatadi. Bu haqda Rossiya tashqi ishlar vazirligining maxsus bayonotida ma’lum qilindi, deya xabar beradi “TASS”.
“Rossiya AQSh bilan tuzilgan Suriyadagi operatsiyalar davomida ko‘zda tutilmagan holatlar oldini olish va aviatsiya parvozi xavfsizligini ta’minlash bo‘yicha memorandum amalda bo‘lishini to‘xtatadi. BMT Xavfsizlik kengashini yuzaga kelgan vaziyatni muhokama etish uchun favqulodda yig‘ilish o‘tkazishga chaqiramiz”, — deyiladi bayonotda.
Eslatib o‘tamiz, Rossiya prezidentining matbuot kotibi Dmitriy Peskov Vladimir Putin AQShning Suriyadagi aviabazaga hujumini suveren davlatga qarshi tajovuz deb hisoblashini bildirdi.
Izoh (0)