Bahor kelishi bilan tabiat jonlanadi va hayvonlarda faol ko‘payish davri boshlandi. Toshkent hayvonot bog‘ida qushlar hamda sut emizuvchilar o‘zlarining yangi avlodlari bilan bizni shod etmoqda, deb yozadi “Toshkent hayvonot bog‘i” sayti.
Yoldor qo‘ylar, lamalar hamda Kamerun echkilari o‘z kichkintoylariga g‘amxo‘rlik qilmoqda. Bug‘ular oilasiga kiruvchi — lan, olachipor ohular hamda boshqa tuyoqli hayvonlar ota-ona bo‘lishga tayyorlanmoqda.
Laylaklar, ibislar (issiq o‘lkalarda yashaydigan, laylakka o‘xshagan uzun oyoqli qush), shuningdek, boshqa suvda va suv atrofida yashaydigan qushlar uya qurib tuxum qo‘yishga kirishib ketdi. Vaysaqi-oqqushlarning juftlashish o‘yinlari ham boshlangan. Qorabuzov esa uyasidagi bolalarini ovqatlantirishni boshlab yuborgan.
Izoh (0)