Баҳор келиши билан табиат жонланади ва ҳайвонларда фаол кўпайиш даври бошланди. Тошкент ҳайвонот боғида қушлар ҳамда сут эмизувчилар ўзларининг янги авлодлари билан бизни шод этмоқда, деб ёзади «Тошкент ҳайвонот боғи» сайти.
Ёлдор қўйлар, ламалар ҳамда Камерун эчкилари ўз кичкинтойларига ғамхўрлик қилмоқда. Буғулар оиласига кирувчи — лан, олачипор оҳулар ҳамда бошқа туёқли ҳайвонлар ота-она бўлишга тайёрланмоқда.
Лайлаклар, ибислар (иссиқ ўлкаларда яшайдиган, лайлакка ўхшаган узун оёқли қуш), шунингдек, бошқа сувда ва сув атрофида яшайдиган қушлар уя қуриб тухум қўйишга киришиб кетди. Вайсақи-оққушларнинг жуфтлашиш ўйинлари ҳам бошланган. Қорабузов эса уясидаги болаларини овқатлантиришни бошлаб юборган.
Изоҳ (0)