Qirg‘iziston Oliy sudi parlament muxolifati va “Otamakon” partiyasi yetakchisi Omurbek Tekebayevni hibsga olish haqidagi qarorni o‘z kuchida qoldirdi. Bu haqda “TASS” xabar bermoqda.
“Oliy sud quyi instansiya sudi hukmini tasdiqladi”, — dedi sud devonxonasi mutasaddilari.
Qirg‘iziston poytaxtining Pervomaysk tumani va Bishkek shahar sudlari siyosatchini 25-aprelga qadar hibsga olishga qaror qilgandi. Biroq Tekebayevning advokatlari mazkur hukm ustidan shikoyat yo‘llab bekor qilishga urindi.
Eslatib o‘tamiz, Omurbek Tekebayev 26-fevral, yakshanba kuni, Istanbuldan uchib kelganidan so‘ng Bishkek aeroportida qo‘lga olindi. Muxolifat partiya yetakchisi “Korrupsiya” va “Firibgarlik” moddalarida ko‘zda tutilgan jinoyatlarni sodir etishda gumon qilinmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)