Қирғизистон Олий суди парламент мухолифати ва «Отамакон» партияси етакчиси Омурбек Текебаевни ҳибсга олиш ҳақидаги қарорни ўз кучида қолдирди. Бу ҳақда «ТАСС» хабар бермоқда.
«Олий суд қуйи инстанция суди ҳукмини тасдиқлади», — деди суд девонхонаси мутасаддилари.
Қирғизистон пойтахтининг Первомайск тумани ва Бишкек шаҳар судлари сиёсатчини 25 апрелга қадар ҳибсга олишга қарор қилганди. Бироқ Текебаевнинг адвокатлари мазкур ҳукм устидан шикоят йўллаб бекор қилишга уринди.
Эслатиб ўтамиз, Омурбек Текебаев 26 февраль, якшанба куни, Истанбулдан учиб келганидан сўнг Бишкек аэропортида қўлга олинди. Мухолифат партия етакчиси «Коррупция» ва «Фирибгарлик» моддаларида кўзда тутилган жиноятларни содир этишда гумон қилинмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)