O‘zbekiston milliy terma jamoasi bosh murabbiyi Samvel Babayan Suriya va Qatar termalariga qarshi o‘yinlarda maydonga tushishi mumkin bo‘lgan futbolchilar nomiga oydinlik kiritdi. Bu haqda O‘FF matbuot xizmati xabar berdi.
Tarkibdan 23 nafar futbolchi joy olgan bo‘lib, shularning 10 nafari xorij chempionatlarida to‘p suradi. Yana 6 nafari O‘zbekiston chempioni “Lokomotiv” a’zolari bo‘lsa, “Paxtakor”da bu ko‘rsatkich 4 tani, “Bunyodkor”da 3 tani tashkil qildi. Jaloliddin Masharipov huquqiy jihatdan “Paxtakor”ga tegishli ekani inobatga olinsa, o‘tgan mavsumni 5-o‘rinda yakunlagan “Paxtakor” va chempion “Lokomotiv”da ko‘rsatkichlar teng ekani oydinlashadi.
Ma’lumot uchun, O‘zbekiston termasi 23-mart kuni Suriyaga qarshi o‘yinni safarda o‘tkazadi. 28-mart kuni esa Toshkentda Qatar termasi mehmon bo‘ladi. JCh—2018 saralash bosqichining dastlabki o‘yinlarida har ikki mamlakat termasi o‘zbekistonliklardan 0:1 hisobida yengilgandi.
DarvozabonlarIgnatiy Nesterov — “Lokomotiv”Murod Zuxurov — “Bunyodkor”Aleksandr Lobanov — “Paxtakor”
HimoyachilarVitaliy Denisov — “Lokomotiv”, RossiyaAnzur Ismoilov — “Chanchun Yatay”, XitoyYegor Krimes — “Beydzing Guoan”, XitoyIslom To‘xtaxo‘jayev — “Lokomotiv”Oleg Zoteyev — “Lokomotiv”Davron Hoshimov — “Paxtakor”
Yarim himoyachilarVadim Afonin — “Orenburg”, RossiyaOdil Ahmedov — “Shanxay SIPG”, XitoySardor Rashidov — “Al-Jaish”, QatarServer Jeparov — “Sepahon”, EronAziz Haydarov — “Ash-Shabob”, BAAMarat Bikmayev — “Lokomotiv”Jaloliddin Masharipov — “Lokomotiv”Salamat Quttiboyev — “Lokomotiv”Otabek Shukurov — “Bunyodkor”Eldor Shomurodov — “Bunyodkor”Jamshid Iskanderov — “Paxtakor”
HujumchilarAleksandr Geynrix — “Ordabasi”, Qozog‘istonTemurxo‘ja Abduxoliqov — “As-Sayliya”, QatarIgor Sergeyev — “Paxtakor”.
Izoh (0)