Ўзбекистон миллий терма жамоаси бош мураббийи Самвел Бабаян Сурия ва Қатар термаларига қарши ўйинларда майдонга тушиши мумкин бўлган футболчилар номига ойдинлик киритди. Бу ҳақда ЎФФ матбуот хизмати хабар берди.
Таркибдан 23 нафар футболчи жой олган бўлиб, шуларнинг 10 нафари хориж чемпионатларида тўп суради. Яна 6 нафари Ўзбекистон чемпиони «Локомотив» аъзолари бўлса, «Пахтакор»да бу кўрсаткич 4 тани, «Бунёдкор»да 3 тани ташкил қилди. Жалолиддин Машарипов ҳуқуқий жиҳатдан «Пахтакор»га тегишли экани инобатга олинса, ўтган мавсумни 5-ўринда якунлаган «Пахтакор» ва чемпион «Локомотив»да кўрсаткичлар тенг экани ойдинлашади.
Маълумот учун, Ўзбекистон термаси 23 март куни Сурияга қарши ўйинни сафарда ўтказади. 28 март куни эса Тошкентда Қатар термаси меҳмон бўлади. ЖЧ—2018 саралаш босқичининг дастлабки ўйинларида ҳар икки мамлакат термаси ўзбекистонликлардан 0:1 ҳисобида енгилганди.
ДарвозабонларИгнатий Нестеров — «Локомотив»Мурод Зухуров — «Бунёдкор»Александр Лобанов — «Пахтакор»
ҲимоячиларВиталий Денисов — «Локомотив», РоссияАнзур Исмоилов — «Чанчун Ятай», ХитойЕгор Кримес — «Бейдзинг Гуоан», ХитойИслом Тўхтахўжаев — «Локомотив»Олег Зотеев — «Локомотив»Даврон Ҳошимов — «Пахтакор»
Ярим ҳимоячиларВадим Афонин — «Оренбург», РоссияОдил Аҳмедов — «Шанхай СИПГ», ХитойСардор Рашидов — «Ал-Жаиш», ҚатарСервер Жепаров — «Sepahон», ЭронАзиз Ҳайдаров — «Аш-Шабоб», БААМарат Бикмаев — «Локомотив»Жалолиддин Машарипов — «Локомотив»Саламат Қуттибоев — «Локомотив»Отабек Шукуров — «Бунёдкор»Элдор Шомуродов — «Бунёдкор»Жамшид Искандеров — «Пахтакор»
ҲужумчиларАлександр Гейнрих — «Ордабаси», ҚозоғистонТемурхўжа Абдухолиқов — «Ас-Сайлия», ҚатарИгорь Сергеев — «Пахтакор».
Изоҳ (0)