O‘zbekiston katta qor ko‘chkilaridan jabr ko‘rgan Tojikiston xalqiga 7-mart kuni insonparvarlik yordami yo‘lladi. “Jahon” axborot agentligi xabariga ko‘ra, yordam yuklari Dushanbega yetib kelganidan so‘ng, ikki mamlakat rasmiylari ishtirokida jurnalistlar uchun qisqa brifing tashkil etilgan.
Brifingda so‘zga chiqqan Tojikiston Favqulodda vaziyatlar bo‘yicha qo‘mitasi raisi Rustam Nazarzodaning ta’kidlashicha, Tojikiston rahbariyati mamlakatning tabiiy ofatdan zarar ko‘rgan hududlariga yordam berishni so‘rab qator davlatlar va xalqaro tashkilotlarga murojaat qilgan.
Mavzuga doir: Komil Aripov: O‘zbekiston bundan uch yil avval ham Tojikistonga insonparvarlik yordami yo‘llagan edi
Tojikiston hukumati nomidan o‘z vaqtida ko‘rsatilgan yordam uchun O‘zbekiston rahbariyatiga minnatdorchilik bildiraman. Insonparvarlik yordamining Tojikistonga o‘z vaqtida yetib kelishini ta’minlagan O‘zbekiston Favqulodda vaziyatlar vazirligi va boshqa idoralarining a’lo darajadagi faoliyati e’tiborga molik. Rahmat sizga, qadrli o‘zbekistonlik do‘stlar!“Daryo”ning Telegram’dagi rasmiy kanali — @toshqindaryo’ga a’zo bo‘ling!Rustam Nazarzoda, Tojikiston Favqulodda vaziyatlar bo‘yicha qo‘mitasi raisi
Izoh (0)