Agar siz qimmatbaho va did bilan kiyingan bo‘lsangiz-u, sumkangiz o‘zingizga mos tushmasa, bu holat ko‘rinishingizga putur yetkazadi. Hammaning didi har xil bo‘lsa-da, uslubning amal qilish lozim bo‘lgan va belgilangan qoidalari mavjud. Bu qoidalarga amal qilsangiz mukammal qiyofaga ega bo‘la olasiz.
Shunday qilib, biz har bir ayol kishining garderobida bo‘lishi kerak bo‘lgan 5 xil uslubdagi sumkalarni tanladik.
1. Odmi sumka. Qora yoki och jigarrangli, keng va qulay bo‘lgan ish sumka – sizning eng sodiq yo‘ldoshingiz hisoblanadi.
2. Uzun tasmali, unchalik katta bo‘lmagan va to‘g‘ri burchakli sumka. Dam olish kunlari uchun mukammal variant. Uni yelkangizga tashlab, bir piyola qahva ustida bemalol dugonalaringiz bilan yozishishingiz mumkin.
3. Kechalar uchun klatch. Qora, qizil yoki kumushrang klatch – kecha libosini mukammal ravishda to‘ldirib turadi.
4. Kundalik-sport uslubidagi sumka. Bunday sumkalarni mashq zallariga borishda, bolalar bilan shahar tashqarisiga chiqishda ishlatishingiz mumkin.
5. Ryukzak. Agar siz uni sayohatchilar va maktab o‘quvchilari uchun mos keladi deb o‘ylasangiz xato qilasiz. Oxirgi mavsum davomida bu sumkalar liboslarning ajralmas qismi bo‘lib qoldi.
Sizga-chi, qaysi biri yoqdi?
Izoh (0)