O‘zbekiston Prezidenti Shavkat Mirziyoyev Qashqadaryo viloyatiga safari doirasida 25-fevral kuni “Qashqadaryo dori-darmon” tomonidan Rodex Trading Limited kompaniyasi bilan hamkorlikda amalga oshirilayotgan kukun shaklidagi antibiotik dori vositalari ishlab chiqarish loyihasi bilan tanishdi. Bu haqda O‘zA xabar bermoqda.
Mavzuga doir: Shavkat Mirziyoyev Qarshida Alisher Navoiy nomidagi bog‘ning rekonstruksiyasi bilan tanishdi
Shavkat Mirziyoyev dorivor o‘simliklarni qayta ishlash, tibbiy moylar ishlab chiqarishni tashkil etish loyihalarini ham ko‘zdan kechirgan.
“Qashqadaryo vohasining purviqor tog‘lari, bepoyon qiru adirlarida noyob giyohlar, buta va daraxtlar serob”, — dedi O‘zbekiston Prezidenti.Loyihada tirnoqgul, zubturum, oshqovoq urug‘i, tog‘ rayhoni, na’matak, kiyik o‘ti, dalachoy, gazanda, moychechak kabi o‘simliklardan dorivor choylar, bodom, kanakunjut, shaftoli, zig‘ir, sedana, o‘rik, mavrak singari buta va daraxt mevalaridan shifobaxsh moylar ishlab chiqarish mo‘ljallanmoqda.
Loyihani amalga oshirish natijasida yuzga yaqin ish o‘rni yaratiladi.“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)