Namangan viloyatida o‘tkazilayotgan yarashtirish oyligi doirasida Yangiqo‘rg‘on tuman hokimligiga qishloq va mahallalardan 30 ga yaqin arazlashgan oila, mazkur hududlardagi imom-xatiblar, diniy-axloqiy masalalar bo‘yicha maslahatchilar taklif etildi. Bu haqda tuman hokimligi axborot xizmati ma’lum qildi.
O‘tgan yil davomida tumanda jami 1755 ta nikoh qayd etildi. Ajrimlar soni esa 114 tani tashkil etdi. Bu 2015-yilga nisbatan 10 taga kam.
Tadbirda arazlashgan oilalar, ularning ota-onalari birma-bir chaqirilib, shikoyatlari tinglandi, arazlashish sabablari aniqlandi.
Ularning muammolariga yechim topishga harakat qilindi, ikki tomonga ham zarur maslahat va tavsiyalar berildi. Yig‘ilishning o‘zida 10 dan ortiq oila yarashish istagini bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)