Toshkentning Muqimiy va Bunyodkor ko‘chalari kesishmasida yo‘l o‘tkazgich qurilishi munosabati bilan 11-fevraldan 23-fevralgacha chorraha transport harakati uchun vaqtinchalik yopiladi, deya xabar bermoqda “Toshshahartransxizmat” kompaniyasi.
“Tirbandlikni keltirib chiqarmaslik maqsadida, Sizlardan qurilish vaqtida boshqa ko‘chalardan foydalanishingizni so‘raymiz. Yuzaga keltirilgan noqulayliklar uchun uzr so‘raymiz”, — deyiladi kompaniya axborotida.
“Gazeta.uz”ning qo‘shimcha qilishicha, chorrahadan o‘tadigan jamoat transportlarining yo‘nalishlariga o‘zgartirishlar kiritiladi.
Chorraha uzra qurilayotgan olti polosali, uzunligi 900 metr bo‘lgan yo‘l o‘tkazgich Navro‘z bayrami (21-mart)da foydalanishga topshirilishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)