Chevrolet kompaniyasi Camaro’ning boshlovchi poygachilar uchun mo‘ljallangan turini tayyorlaydi

Chevrolet yangi avlod Camaro kupesi asosida tayyorlangan GT4.R poyga avtomobilining ilk suratlarini e’lon qildi. Bu haqda “Motor” xabar bermoqda.

Avtomobil minimal miqdordagi ishlanmalar qo‘llangan kichik GT4 toifasi uchun tayyorlangan. Sportkar IMSA Continental Tire SportsCar Challenge va Pirelli World Challenge chempionatlarida ishtirok etishi mumkin.

Poyga sportkari 650 ot kuchiga ega dvigatel va 10 bosqichli avtomat tezlik uzatish qurilmasi bilan jihozlangan Camaro ZL1 trek kupesi asosida tayyorlandi.

Yaratilishida Pratt & Miller firmasi ko‘mak bergan avtomobil, shuningdek, Ohlins amortizatorlariga ega boshqa podveska, kuchli Brembo tormozlari, yangi oldingi splitter, keng ortki aksilqanot va diffuzorga ega bo‘ladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.