Тошкентнинг Муқимий ва Бунёдкор кўчалари кесишмасида йўл ўтказгич қурилиши муносабати билан 11 февралдан 23 февралгача чорраҳа транспорт ҳаракати учун вақтинчалик ёпилади, дея хабар бермоқда «Тошшаҳартрансхизмат» компанияси.
«Тирбандликни келтириб чиқармаслик мақсадида, Сизлардан қурилиш вақтида бошқа кўчалардан фойдаланишингизни сўраймиз. Юзага келтирилган ноқулайликлар учун узр сўраймиз», — дейилади компания ахборотида.
«Газета.uz»нинг қўшимча қилишича, чорраҳадан ўтадиган жамоат транспортларининг йўналишларига ўзгартиришлар киритилади.
Чорраҳа узра қурилаётган олти полосали, узунлиги 900 метр бўлган йўл ўтказгич Наврўз байрами (21 март)да фойдаланишга топширилиши кутилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)