Dubayda 5-fevral “Avtomobillarsiz kun” deb e’lon qildi

Dubay rasmiylari 5-fevral, yakshanbani “Avtomobillarsiz kun” deya e’lon qildi. Bu haqda “RIA Novosti” xabar bermoqda.

Dubay ma’muriyati aholini shu kuni zararli moddalar chiqarilishini kamaytirish va atrof-muhit ifloslanishining oldini olish uchun avtomobillardan voz kechishga chaqirdi.

Aksiyada ishtirok etadigan haydovchilar soniga qarab, munitsipalitet ma’lum bir summani xayriya va daraxt o‘tqazish uchun sarf qiladi.

Mazkur tashabbus birinchi galda hukumat muassasalari xodimlariga taalluqli. 5-fevral kuni munitsipalitet va aksiyada qatnashuvchi boshqa tashkilotlarning avtoturargohlari yopiq bo‘ladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.