Afg‘onistondagi mojaro oqibatida halok bo‘lgan va jarohatlanganlar soni 2016-yilda 11,5 mingdan oshiq kishini tashkil etdi. Bu BMT shunday statistikani yuritayotgan 2009-yildan beri eng yuqori ko‘rsatkich hisoblanadi, deya xabar beradi “TASS”.
BMTning Afg‘onistonga ko‘mak missiyasiga ko‘ra, o‘tgan yili 3498 nafar fuqaro halok bo‘ldi, 7920 kishi yaralandi. Qurbonlar soni 2015-yilga nisbatan 2 foizga kamaydi, jarohatlanganlar soni esa 6 foizga oshdi.
Mojaro tufayli jabrlangan afg‘on bolalari soni 2016-yilda 24 foizga ko‘paydi va 3,5 ming kishini tashkil etdi. Ularning yarmi jangarilar va hukumat kuchlari o‘rtasidagi jangovar harakatlar, qolgan yarmi esa bombalar va boshqa o‘q-dorilar portlashi qurboni bo‘ldi.
Afg‘onistonda o‘tgan yili IShID faoliyati tufayli halok bo‘lgan va yaralangan tinch aholi soni 2015-yilga nisbatan 10 barobar ko‘paydi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)