Rossiya parlamenti quyi palatasining Davlat qurilishi va qonunchilik qo‘mitasi deputatlarga yangi tug‘ilgan chaqaloqlarga bema’ni, shuningdek, raqamlar va qisqartmalardan iborat ismlarni qo‘yishni man etuvchi qonun loyihasini birinchi o‘qishda qabul qilishni tavsiya etishni rejalashtirmoqda. Bu haqda TJournal xabar berdi.
Qonun loyihasiga izohda Rossiyada so‘nggi yillarda qo‘yilgan ayrim ismlar keltirib o‘tilgan.
Ro‘yxatda Nikolay-Nikita-Nil, Xristamrirados, Delfin, Yaroslav-Lyutobor, Luka-Schastye Sammerset Oushen, Aprel, Prinsessa Daniella, Zarya-Zaryanitsa, Alesha-Kaprina, Okeana, Sofiya-Solnishko kabi antiqa ismlar bor.
Loyihada ota-onasi 10 yildan beri BOCh rVF 260602 nomini qo‘ya olmayotgan bola haqida ham ma’lum qilingan. Buning oqibatida o‘smirga hali ham hujjatlar rasmiylashtirilmagan.
Qo‘mitaga ko‘ra, qonun qabul qilinishiga yaqin bolalarni atash mumkin bo‘lmagan ismlar ro‘yxati yanada kengaytirilishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)