O‘zbekiston Oliy Majlisi Qonunchilik palatasi deputatlari 25-yanvar kuni bo‘lib o‘tgan majlisda “Bankrotlik to‘g‘risida”gi qonunga o‘zgartishlar kiritishni nazarda tutuvchi qonun loyihasini muhokama qildi. Bu haqda O‘zA xabar bermoqda.
O‘zAning qayd etishicha, hozirgi vaqtda bankrotlik to‘g‘risidagi ishda kelishmovchiliklarni ko‘rib chiqish natijalari yuzasidan xo‘jalik sudining apellatsiya instansiyasi chiqargan qarorlar kassatsiya va nazorat tartibida qayta ko‘rib chiqilmaydi.
Bu esa, o‘z navbatida, kreditorlar va qarzdorlarning yuqori turuvchi instansiyalarga sudlarning qarori ustidan shikoyat qilish borasidagi huquqlarini cheklaydi.
Yangi qonun loyihasining qabul qilinishi mazkur cheklovni bartaraf etish imkonini beradi hamda kreditor va qarzdorlarga o‘z huquq va manfaatlarini himoya qilishda ko‘proq erkinlik beradi.
Muhokamadan so‘ng deputatlar qonun loyihasini birinchi o‘qishda qabul qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)