Tokiodagi “Sindzyuku” imperator bog‘i kassiri 2014-yilning aprelidan 2016-yilning dekabriga qadar chet ellik sayyohlardan — pul so‘rashga qo‘rqqani uchun — 1,7 dollar miqdoridagi kirish haqini olmagan. Bu haqda SecretMag xabar bermoqda.
71 yoshli xodim sayyohlardan biri kassir ingliz tilini yaxshi bilmagani uchun unga baqirib berganidan so‘ng, chet elliklardan pul olishni to‘xtatgan.
Ma’lum bo‘lishicha, ikki yil davomida 160 mingga yaqin tashrifchi bog‘ga tekinga kirgan.
Kassir o‘z harakatlarini o‘g‘rilik deb baholamadi. Taftish boshlangandan so‘ng, xodim o‘z xohishi bilan ishdan bo‘shadi va zararni qoplash uchun o‘z pensiya jamg‘armasining yarmini zararni qoplash uchun taklif qildi.
Bog‘ rahbariyati chiptachi chet ellik mehmonlarga tekin chiptalar rasmiylashtirib, so‘ng ular haqidagi ma’lumotlarni tizimdan o‘chirib tashlagan, deb hisoblamoqda.
Yaponiya ijtimoiy tarmoqlarida kassir haqidagi hikoya qizg‘in muhokama qilinmoqda. Ba’zi foydalanuvchilarning fikricha, aslida keksa kassir emas, balki 32 million iyena miqdoridagi pul tushumi yo‘qolib qolganini payqamagan buxgalterlar ishdan ketishi kerak edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)