Viskonsin shtatida yuk avtomobili harakatlanishi paytida Skittles konfetlari joylangan quti avtomobildan tushib qoldi. Bu konfetlar sigirlar ozuqasi uchun mo‘ljallangan edi. Yo‘lga sochilib ketgan minglab qizil rangli konfetlar avtomobillar g‘ildiraklari ostida ezilib ketgan. Bu haqda CNN’ga asoslanib, TJournal xabar berdi.
Politsiya xodimlarining so‘zlariga ko‘ra, kuchli yomg‘ir paytida yuk mashinasi ichidagi quti ivib, yorilib ketgan. Shu tufayli konfetlar yo‘lga sochilib ketgan. Konfetlar qadoqlash vaqtida tekshiruvdan o‘tmaganligi sababli ularni chorvaga ozuqa sifatida ishlatishga qaror qilingan.
Mahalliy rahbariyat yo‘l transport hodisasining oldini olish maqsadida yo‘lni konfetlardan tozalashga buyruq bergan.
CNN jurnalistining aytishicha, konfet ishlab chiqaruvchilar va novvoylar tekshiruvdan o‘ta olmagan mahsulotlarni chorva uchun ozuqa sifatida fermalarga beradi yoki sotadi. Bunday amaliyot 2012-yilda makkajo‘xori narxi oshib ketgan vaqtda anchagina rivojlangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)