Germaniya Bundesligasi
Qishki ta’tildan chiqib olish Bundesliga yetakchilari uchun oson kechmadi. Shunga qaramay, tajriba o‘z so‘zini aytdi va ular mavsumning davomini ko‘ngildagidek boshlay oldi.17-tur
Robert Levandovski to‘purarlar poygasida Pyer-Emerik Obameyangdan endi 2 ta golga ortda qolmoqda. “Frayburg” maydonida uning dubli “Bavariya”ning irodali g‘alabasini ta’minlab berdi. Karlo Anchelotti jamoasini shu bilan kim to‘xtatib qolishi aniq emas.
“Frayburg” — “Bavariya” 1:2
Gollar: Yanik Xaberer, 4 (1:0). Robert Levandovski, 35 (1:1). Robert Levandovski, 90 (1:2).29 yoshli mutaxassis Yulian Nagelsmann boshqarayotgan “Xoffenxaym” kuchli beshlik milliy chempionatlarida mag‘lub bo‘lib ulgurmagan yagona jamoa ekani aytilgandi. Klub bu yurishini tanaffusidan keyin ham davom ettirdi va 3-o‘ringa ko‘tarildi.
“Augsburg” — “Xoffenxaym” 0:2
Gollar: Sandro Vagner, 47 (0:1). Andrey Kramarich, 64 (0:2).“Borussiya Dortmund” uchun mavsum starti notekis kelgandi. Qishki tanaffus bekor ketmagan bo‘lsa, Tomas Tuxel jamoasi endi kamroq ochko yo‘qotishi kerak bo‘ladi. Ayni vaqtda dortmundliklar peshqadam “Bavariya”dan 12 ochko ortda qolib ketgan.
“Verder” — “Borussiya Dortmund” 1:2
Gollar: Andre Shyurrle, 5 (0:1). Fin Bartels, 59 (1:1). Lukash Pishek, 71 (1:2).“Leyptsig” ertagi hali yakuniga yetmagan. Mavsumni yomon o‘tkazmayotgan Frankfurt klubini qabul qilgan chempionat debyutanti yirik g‘alabani tantana qildi. Bor-yo‘g‘i 3 ochkolik farq “Leyptsig”ni peshqadamdan ajratib turibdi.
“Leyptsig” — “Ayntraxt” 3:0
Gollar: Marvin Kompper, 6 (1:0). Timo Verner, 45+4 (2:0). Xesus Valyexo, 67-avt (3:0).
Italiya A seriyasi
Yildan-yilga o‘z intrigasini qaytarib borayotgan A seriyada klublar 21-tur bellashuvlarini yakunlab berdi.21-tur
Italiya kubogining chorak finaliga yo‘llanma olgan florensiyalik futbolchilar turnir jadvalida 8-o‘ringa ko‘tarilib oldi. Aslida klubning natijalari u qadar yomon emas. Shunchaki bir tekis harakat yetishmayapti.
“Kyevo” — “Fiorentina” 0:3
Gollar: Kristian Telyo, 18 (0:1). Xouma Babakar, 52-pen (0:2). Federiko Kyeza, 90+4 (0:3).A seriyada dastlabki uchta o‘rinni band etgan klublargina chempionlar ligasida ishtirok etishi mumkin. Milanliklar katta ehtimol bilan kelasi yil ham Yevropaning eng nufuzli musobaqasidan tushib qoladi. Montella boshqaruvida o‘ziga kelayotgan “Milan” “Jozeppe Meatssa”da “Napoli”ga imkoniyatni boy berib, uchtalikka kirish imkoniyatlarini yanada kamaytirib yubordi.
“Milan” — “Napoli” 1:2
Gollar: Lorenso Insinye, 6 (0:1). Xose Kalyexon, 9 (0:2). Yuray Kutska, 37 (1:2).Turning markaziy o‘yini Turin shahrida kechdi. “Yuventus” hujum chizig‘idagi argentinaliklar uchrashuv taqdirini hal qildi. Bir tur avval Massimiliano Allegri jamoasi Florensiyada “Fiorentina”dan yengilgandi.
“Yuventus” — “Latsio” 2:0
Gollar: Paulo Dibala, 5 (1:0). Gonsalo Iguain, 17 (2:0).“Inter” va “Roma” klublarining g‘alabasi uchun 1 tadan gol kifoya qildi.
“Palermo” — “Inter” 0:1
Gol: Joau Mariu, 65 (0:1).Chetlatishlar: Kristian Ansaldi, 79 (I). Alessandro Gatssi, 90+5 (P).“Roma” — “Kalyari” 1:0
Gol: Edin Jeko, 55 (1:0).Chetlatish: Joao Pedro, 90+3 (R).
Fransiya 1-divizioni
Fransiya chempionatida chempionlik uchun uch klub kurash olib bormoqda. Bunga qadar “Monako” bilan bir xilda ochko jamg‘arib turgan “Nitssa” safarda ochko yo‘qotib, Parij klubini o‘ziga yaqinlashtirib qo‘ydi. Unai Emeri boshchilik qilayotgan “PSJ” peshqadam “Monako”dan 3 ochko kamroq jamg‘argan.Mazkur turda “Lion” o‘z uyida “Marsel”ni taslim qilishga erishdi. Uchrashuvning 79-daqiqasiga kelib “Manchester Yunayted”dan xarid qilingan Memfis Depay maydonda ko‘rinish berdi va “Lion” safida debyut qildi.
21-tur
“Bastiya” — “Nitssa” 1:1
Gollar: Prins Onyyange, 17 (1:0). Arno Suke, 33 (1:1).Chetlatish: Yannik Kayuzak, 64 (B).“Nant” — “PSJ” 0:2
Gollar: Edinson Kavani, 21 (0:1). Edinson Kavani, 65 (0:2).“Monako” — “Loryan” 4:0
Gollar: Gabriel Boshilya, 24 (1:0). Gabriel Boshilya, 28 (2:0). Valer Jermen, 37 (3:0). Valer Jermen, 59 (4:0).“Lion” — “Marsel” 3:1
Gollar: Matye Valbuena, 43 (1:0). Aleksandr Lyakazett, 61 (2:0). Mateus Doriya, 67 (2:1). Aleksandr Lyakazett, 75 (3:1).
Izoh (0)