Avstraliya ochiq chempionatining nimchorak finaliga yo‘llanma olish uchun ketma-ket ikki og‘ir o‘yinda ishtirok etgan O‘zbekistonning birinchi raketkasi Denis Istomin kichik intervyu berdi. Novak Jokovich bilan bo‘lgani kabi, Pablo Karreno-Bustaga qarshi bellashuv ham besh set davom etdi va u Istominning g‘alabasi bilan yakunlandi. Musobaqa matbuot xizmati tomonidan uyushtirilgan intervyuni “Gazeta.uz” chop etdi.
Jurnalist Istomindan birinchi navbatda tiklanish haqida so‘radi. Tabiiyki, kuchli raqibga qarshi besh set kurash olib borish va ketidan yana besh set davom etadigan bellashuv uchun setga chiqish oson emas.
Ruhiy tomondan qiyin bo‘ldi. Axir Karreno ham a’lo darajadagi tennischi. Shunchaki Novakni mag‘lub etganimdan keyin mag‘lub bo‘lishni istamadim.Tiklanishim muvaffaqiyatli kechdi. O‘yinim ham yaxshi chiqdi. O‘tgan uchrashuvdan farqli ravishda, bu safar to‘p kortda ancha sekin harakat qildi. Shunga qaramay, yakunda g‘alaba men tomonda bo‘lganidan baxtliman.
Denis Istomin, O‘zbekistonning birinchi raketkasi
Novak Jokovich mag‘lub etilganidan keyingi kun qanday o‘tgani ko‘pchilik uchun qiziq. Odatda bunday yirik g‘alabadan keyin hordiq chiqarish ham qiyin bo‘ladi.
Birinchi navbatda yaxshi dam oldim. Ko‘pchilik Jokovich bilan o‘yindan keyin yaxshi uxlay olganim yoki yo‘qligiga qiziqib savol berdi. Buni qarangki, men miriqib uxladim. Ertasi kuni esa 40 daqiqacha mashg‘ulot olib bordim. Tanovvul qildim, ko‘proq suyuqlik ichdim va yana dam oldim.Denis Istomin ketma-ket ikki g‘alabadan keyin minglab sms xabarnomalar qabul qilib olishi tabiiy edi. Shunday bo‘ldi ham.Denis Istomin, O‘zbekistonning birinchi raketkasi
Ko‘p, juda ham ko‘p. Ayniqsa Facebook orqali. Ularning har biriga javob yozishga ulgurib bo‘lmasdi. Shuning uchun layk bosish bilangina cheklanishga majbur bo‘ldim. Hammaga rahmat aytaman va javob yoza olmaganim uchun uzr so‘rayman. Axir bunga bir oyim ham yetmasdi.Denis Istomin, O‘zbekistonning birinchi raketkasi
Besh setdan davom etgan ikki bellashuv. Oldinda Denisni yana shuncha set kutib turmayotganiga hech kim kafolat bera olmaydi.
Adashmasam “Uimbildon”da bo‘lgandi, yilini aniq eslay olmayman. Men Vavrinka va Shuttler ustidan besh set davom etgan o‘yinlarda zafar quchdim. Keyin Berdix bilan ham shuncha set o‘ynashimga to‘g‘ri keldi va yutqazdim. Bu menga yaxshi tajriba bo‘lgandi.Denis Istomin o‘ziga raqiblik qilishi mumkin bo‘lgan ikki tennischi haqida shunday fikr bildirdi:Denis Istomin, O‘zbekistonning birinchi raketkasi
Men ularning har ikkisidan ham yengilganman. Adashmasam, Risharga qarshi 5-6 ta o‘yinni boy berganman va faqatgina bir safar zafar quchganman. Grigorni esa 17 yosh paytim “Chellenjer”da yenggandim. O‘yin qiyin bo‘lgandi. Biroq keyin Shanxayda unga imkoniyatni boy berdim. Ularning o‘yini top-10 tennischilarnikidan farq qilmaydi.Xo‘sh, Denis Istomin Avstraliya ochiq chempionatida zafar quchishi mumkinmi?Denis Istomin, O‘zbekistonning birinchi raketkasi
Mana shu savolga javob bera olmayman. Men bu yerga bir nechta bellashuvda g‘alaba qozonish uchun, mavridi kelsa bosh sovrinni qo‘lga kiritish uchun kelganman. Biroq hozir bu haqda o‘ylayotganim yo‘q. Bor e’tiborim oldindagi o‘yinga qaratilgan.Australian open’da zafar quchib, onamni hayron qoldirishim mumkin. Biroq bunga ishonchim komil emas.
Denis Istomin, O‘zbekistonning birinchi raketkasi
Izoh (0)