Qozon shahri havo hududining yopilishi sabab Farg‘onadan uchuvchi aviareys kechiktirildi, deb xabar bermoqda Uzbekistan Airways.
Xabarga ko‘ra, Qozon shahri havo hududining yopilishi munosabati bilan, Uzbekistan Airways aviakompaniyasining HY9651/9652 reysi (Farg‘ona—Qozon—Farg‘ona yo‘nalishi) majburan kechiktirildi va quyidagi jadval asosida amalga oshiriladi:
- Farg‘onadan uchish — 15:00, Qozonga yetib kelish — 16:45
- Qozondan uchish — 18:00, Farg‘onaga yetib kelish — 23:30
Vaqtlar mahalliy vaqt bo‘yicha ko‘rsatilgan. Yuzaga kelgan noqulayliklar uchun uzr so‘ralgan.
Bundan avval Uzbekistan Airports Eron havo hududining yopilishi munosabati bilan bir nechta reyslar Toshkentdagi muqobil aerodromga yo‘naltirilganini e’lon qilgandi. Shuningdek, O‘zbekistondan Moskvaga uchadigan bir qancha reyslar jadvali o‘zgartirilgan.
Izoh (0)