Австралия очиқ чемпионатининг нимчорак финалига йўлланма олиш учун кетма-кет икки оғир ўйинда иштирок этган Ўзбекистоннинг биринчи ракеткаси Денис Истомин кичик интервью берди. Новак Жокович билан бўлгани каби, Пабло Каррено-Бустага қарши беллашув ҳам беш сет давом этди ва у Истоминнинг ғалабаси билан якунланди. Мусобақа матбуот хизмати томонидан уюштирилган интервьюни «Газета.uz» чоп этди.
Журналист Истоминдан биринчи навбатда тикланиш ҳақида сўради. Табиийки, кучли рақибга қарши беш сет кураш олиб бориш ва кетидан яна беш сет давом этадиган беллашув учун сетга чиқиш осон эмас.
Руҳий томондан қийин бўлди. Ахир Каррено ҳам аъло даражадаги теннисчи. Шунчаки Новакни мағлуб этганимдан кейин мағлуб бўлишни истамадим.Тикланишим муваффақиятли кечди. Ўйиним ҳам яхши чиқди. Ўтган учрашувдан фарқли равишда, бу сафар тўп кортда анча секин ҳаракат қилди. Шунга қарамай, якунда ғалаба мен томонда бўлганидан бахтлиман.
Денис Истомин, Ўзбекистоннинг биринчи ракеткаси
Новак Жокович мағлуб этилганидан кейинги кун қандай ўтгани кўпчилик учун қизиқ. Одатда бундай йирик ғалабадан кейин ҳордиқ чиқариш ҳам қийин бўлади.
Биринчи навбатда яхши дам олдим. Кўпчилик Жокович билан ўйиндан кейин яхши ухлай олганим ёки йўқлигига қизиқиб савол берди. Буни қарангки, мен мириқиб ухладим. Эртаси куни эса 40 дақиқача машғулот олиб бордим. Тановвул қилдим, кўпроқ суюқлик ичдим ва яна дам олдим.Денис Истомин кетма-кет икки ғалабадан кейин минглаб смс хабарномалар қабул қилиб олиши табиий эди. Шундай бўлди ҳам.Денис Истомин, Ўзбекистоннинг биринчи ракеткаси
Кўп, жуда ҳам кўп. Айниқса Facebook орқали. Уларнинг ҳар бирига жавоб ёзишга улгуриб бўлмасди. Шунинг учун лайк босиш билангина чекланишга мажбур бўлдим. Ҳаммага раҳмат айтаман ва жавоб ёза олмаганим учун узр сўрайман. Ахир бунга бир ойим ҳам етмасди.Денис Истомин, Ўзбекистоннинг биринчи ракеткаси
Беш сетдан давом этган икки беллашув. Олдинда Денисни яна шунча сет кутиб турмаётганига ҳеч ким кафолат бера олмайди.
Адашмасам «Уимбилдон»да бўлганди, йилини аниқ эслай олмайман. Мен Вавринка ва Шуттлер устидан беш сет давом этган ўйинларда зафар қучдим. Кейин Бердих билан ҳам шунча сет ўйнашимга тўғри келди ва ютқаздим. Бу менга яхши тажриба бўлганди.Денис Истомин ўзига рақиблик қилиши мумкин бўлган икки теннисчи ҳақида шундай фикр билдирди:Денис Истомин, Ўзбекистоннинг биринчи ракеткаси
Мен уларнинг ҳар иккисидан ҳам енгилганман. Адашмасам, Ришарга қарши 5-6 та ўйинни бой берганман ва фақатгина бир сафар зафар қучганман. Григорни эса 17 ёш пайтим «Челленжер»да енггандим. Ўйин қийин бўлганди. Бироқ кейин Шанхайда унга имкониятни бой бердим. Уларнинг ўйини топ-10 теннисчиларникидан фарқ қилмайди.Хўш, Денис Истомин Австралия очиқ чемпионатида зафар қучиши мумкинми?Денис Истомин, Ўзбекистоннинг биринчи ракеткаси
Мана шу саволга жавоб бера олмайман. Мен бу ерга бир нечта беллашувда ғалаба қозониш учун, мавриди келса бош совринни қўлга киритиш учун келганман. Бироқ ҳозир бу ҳақда ўйлаётганим йўқ. Бор эътиборим олдиндаги ўйинга қаратилган.Australian open’да зафар қучиб, онамни ҳайрон қолдиришим мумкин. Бироқ бунга ишончим комил эмас.
Денис Истомин, Ўзбекистоннинг биринчи ракеткаси
Изоҳ (0)