Sizga shifokor xonasida uchratadigan ko‘plab tibbiy asboblar uyda ham kerak bo‘ladi. Ular kasal bo‘lgan odamning ahvolini tezda aniqlashga yordam beradi yoki sog‘lig‘idagi muammolarning oldini olish uchun samarali yechim beradi. Quyida uyda qo‘llash uchun dalillarga asoslangan yettita tibbiy asbob va buyumlar ro‘yxati bilan tanishing.
- Tonometr
Ko‘pchilik bu qurilmani asosan yoshi kattalar uchun deb o‘ylaydi, lekin aslida bu har bir insonning hayotini saqlab qolishi mumkin bo‘lgan muhim qurilmadir. Masalan, yuqori qon bosimi homiladorlik davridagi xavfli holat bo‘lib, u onaga ham, chaqaloqqa ham tahdid soladi. Gipertoniya umuman sezilmaydi va uning oqibatlari juda jiddiy bo‘lishi mumkin. Shuning uchun uyda tonometr bo‘lgani maʼqul.
- Kontaktsiz termometr
Bu termometr kichkintoylar bor joyda qo‘l keladi, chunki u haroratni tez va bezovta qiluvchi manipulyatsiyalarsiz o‘lchaydi. Bundan tashqari, u anʼanaviy variantni qo‘ltiq ostida ishlatishga qiynaladigan odamlar uchun ham qulay.
- Tarozi
Ortiqcha kaloriya, kam harakatlilik — bularning barchasi XXI asrning salomatligimizga taʼsir ko‘rsatayotgan muammolaridir. Agar uyingizda tarozi bo‘lsa, nimadir noto‘g‘ri ketayotganini tushunish osonroq. Bundan tashqari, ular tana vaznining kamayishini kuzatishga yordam beradi, baʼzi hollarda esa, aksincha, vazn to‘plashda foydali bo‘ladi. Bolalarni ham tarozida tortib, ularning vaznini yo‘qotmasligini kuzatib turish mumkin.
- Tibbiyot inyektori
Agar siz tez-tez o‘zingizga yoki uydagilardan biriga ukol qilishingiz kerak bo‘lsa, maxsus to‘pponchalarga eʼtibor bering: ular dori vositasini osongina dozalash, uni tez va deyarli og‘riqsiz yuborish imkonini beradi. Ayniqsa, boshqalarga igna sanchishdan qo‘rqadigan va buni qanday to‘g‘ri qilishni bilmaydiganlar uchun foydali bo‘ladi.
- Irrigator
Stomatologlar tish ipidan foydalanishni tavsiya qiladi, lekin uni ishlatish qiyin bo‘lsa yoki uni qo‘llash shunchaki og‘riqli bo‘lsa, irrigatorni sinab ko‘ring. Ushbu qurilma tishlarda tiqilib qolgan ovqat qoldiqlarini yuvishga yordam beradi. Uni odatda breket bor odamlar ishlatadi, lekin bu yagona ko‘rsatma emas.
- Dori quti
Xotirangizga ortiqcha baho bermang: chunki ko‘pincha ertalab tabletka ichgan-ichmaganingizni unutib qo‘yasiz. Agar sizga dori-darmonlar kursi buyurilgan bo‘lsa yoki surunkali kasallik tufayli biror narsani doimiy ravishda qabul qilishga majbur bo‘lsangiz, dori qutisi yordam beradi. Haftada bir marta dorilarni kunlar (yoki hatto soatlar) bo‘yicha taqsimlang-da xotirjam bo‘ling.
- Kompression golflar
Bunday paypoqlar oyoqlardagi zo‘riqishni kamaytiradi, og‘riq va shishlardan himoya qiladi. Ular vena qon tomirlariga oddiy bosim bilan ta’sir qilib, qonni yuqoriga — yurak tomon harakatlanishiga yordam beradi. Siqiluvchan golflar kun davomida ko‘p tursangiz yoki uzoq parvozlarda tez-tez bo‘lsangiz, ayniqsa foydali bo‘ladi.
Izoh (0)