FIFA Syurixdagi 2016-yilning eng yaxshilarini taqdirlash marosimida g‘oliblarga sovg‘a sifatida topshirilishi kerak bo‘lgan 6 ta soat yo‘qolgani borasida Shveysariya politsiyasiga murojaat qildi. Bu haqda Clarin nashriga tayanib, “TASS” xabar bermoqda.
Mavsumning eng yaxshilari uchun topshirilish kerak bo‘lgan Hublot markali soatlar tadbir boshlanguniga qadar o‘g‘irlab ketilgan. Buning oqibatida, tadbirda sovringa ega chiqqan sportchilarga boshqa markadagi soatlar sovg‘a qilindi. Aytib o‘tish joiz, o‘g‘irlangan har bir Hublot qo‘l soati 92 ming evroga baholangan.
Eslatib o‘tamiz, avvalroq FIFA talqiniga ko‘ra yilning eng yaxshi futbolchisi deb Krishtianu Ronaldu, eng yaxshi murabbiy “Lester” klubini chempionlikka boshlab kelgan Klaudio Ranyeri, eng yaxshi ayol futbolchi deb esa Karli Lloyd topilgan edi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)