O‘zbekistonda xizmat ko‘rsatgan artist Rayhon G‘aniyeva jurnalist Jasur Hamroyev bilan suhbatda fevral oyida bo‘lib o‘tadigan yangi konsertiga oid ayrim ma’lumotlarni oshkor qildi, deb yozadi “Darakchi.uz”.
Xususan, Rayhonning aytishicha, yangi konsertida u uch ayol san’atkorlar bilan duet ijro etadi.
Birinchi duet xonandaning yaqin dugonasi Munisa Rizayeva bilan ijro etiladi. Ikkinchi duetdosh esa qiziqchi Halima Ibragimova.
Uchinchi duet xonanda Ziyoda bilan birga kuylanadi. Rayhon Ziyodaning ayni paytda homiladorligini hisobga olgan holda “menimcha, konsertda birga kuylashga ulguramiz, deb o‘ylayman”, deya qo‘shimcha qildi.
Eslatib o‘tamiz, xonanda Ziyoda hozirda ikkinchi farzandiga homilador. Rayhonning “Istiqlol” san’at saroyidagi konsert dasturi 20—24-fevral kunlari bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)