Зиёда туғгунига қадар Райҳон у билан концертда дуэт айтиб қолишга умид қилмоқда

Ўзбекистонда хизмат кўрсатган артист Райҳон Ғаниева журналист Жасур Ҳамроев билан суҳбатда февраль ойида бўлиб ўтадиган янги концертига оид айрим маълумотларни ошкор қилди, деб ёзади «Darakchi.uz».

Хусусан, Райҳоннинг айтишича, янги концертида у уч аёл санъаткорлар билан дуэт ижро этади.

Биринчи дуэт хонанданинг яқин дугонаси Муниса Ризаева билан ижро этилади. Иккинчи дуэтдош эса қизиқчи Ҳалима Ибрагимова.

Учинчи дуэт хонанда Зиёда билан бирга куйланади. Райҳон Зиёданинг айни пайтда ҳомиладорлигини ҳисобга олган ҳолда «менимча, концертда бирга куйлашга улгурамиз, деб ўйлайман», дея қўшимча қилди.

Эслатиб ўтамиз, хонанда Зиёда ҳозирда иккинчи фарзандига ҳомиладор. Райҳоннинг «Истиқлол» санъат саройидаги концерт дастури 20—24 февраль кунлари бўлиб ўтади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.