9-yanvarning e’tiborga molik yangiliklari — “Daryo”ning kechki dayjestida.
1. O‘zbekistonda 27 davlat sayyohlari uchun vizalarni bekor qilish 2021-yilga qadar kechiktirildi. Viza tartibini kechiktirish to‘g‘risidagi taklif Turizmni rivojlantirish davlat qo‘mitasi, Tashqi ishlar vazirligi, Ichki ishlar vazirligi, Davlat bojxona qo‘mitasi hamda boshqa vazirlik va mahkamalar tomonidan kiritilgan.
2. O‘zbekiston hududlarida hukumatning vakolatli vakillari paydo bo‘ladi. Hududlarni kompleks ijtimoiy-iqtisodiy rivojlantirish masalalari axborot-tahlil departamenti to‘g‘risidagi nizom tasdiqlandi.
3. “O‘zbekiston havo yo‘llari” yana 4 ta Boeing-787 Dreamliner samolyotini xarid qiladi. Aviakompaniyaga Boeing-787 Dreamliner’ning qaysi modeli yetkazib berilishi, shuningdek, buyurtma qiymati ma’lum qilinmagan.
4. Yunusobod va Mirzo Ulug‘bek tumanlarini o‘zaro bog‘lovchi yo‘l qurilishi davom etmoqda. Yo‘l Navro‘z bayrami arafasida foydalanishga topshirilishi kutilmoqda.
5. “Bayram” guruhi yakkaxonlaridan biri Ravshan Hojiakbarov 44 yoshida vafot etdi. Uning vafotiga insult sabab bo‘lgani aytilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)