7-yanvar kuni Rossiyaning Samara viloyatida yuz bergan yo‘l-transport hodisasida uch nafar O‘zbekiston fuqarosi halok bo‘ldi, deya xabar bermoqda O‘zbekiston Favqulodda vaziyatlar vazirligi Rossiya Federatsiyasi FVVga tayanib.
“2017-yilning 7-yanvar kuni M-32 ‘Samara-Uralsk’ yo‘nalishining 76-kilometrida, Aleksandrovka va Ledyayka aholi punktlari oralig‘ida yo‘lovchi avtobus va yengil avtomashina ishtirokida yo‘l-transport hodisasi sodir bo‘lgan.
YTH natijasida yengil avtomashinada bo‘lgan uch nafar O‘zbekiston Respublikasi fuqarolari halok bo‘lgan”, — deyiladi xabarda.
Halok bo‘lgan fuqarolar Norbayev Norbek Olenbayevich (1978-yilda tug‘ilgan), Xudayberganov Marks Ibragimovich (1978-yilda tug‘ilgan) va Bobojonov Kaxramon Fayzuloyevich (1979-yilda tug‘ilgan)dir.
O‘zbekiston Respublikasi Favqulodda vaziyatlar vazirligi tomonidan tegishli vazirlik va idoralar bilan hamkorlikda halok bo‘lganlarning yaqinlariga zaruriy yordam ko‘rsatish choralari ko‘rilmoqda.
Izoh (0)