Korzinka.uz kartalar balansini tekshirishga imkon beruvchi botni ishga tushirdi

Korzinka.uz supermarketlar tarmog‘i mijozlariga yana ham ko‘proq qulaylik yaratish maqsadida o‘zining Telegram botini ishga tushirdi.

korzinka_uzbot’dan foydalanish orqali xaridorlar sodiqlik dasturi tizimidagi kartalarining balansini tekshirish, jamg‘arib boruvchi bonusli tizim qanday ishlashi haqida ma’lumot olish, karta yo‘qolganida nima qilish kerakligini bilish, tarmoq do‘konlaridagi mavjud chegirma va aksiyalar bilan tanishib borish imkoniyatiga ega bo‘ladilar.

Eslatib o‘tamiz, bundan avval supermarketlar tarmog‘i ushbu ijtimoiy tarmoqdagi kanali orqali mijozlarga aksiyalar, mahsulotlar uchun belgilangan yangi narxlar va do‘konlardagi yangiliklarni ham berib borar edi. Endilikda mijozlar o‘zlarini qiziqtirgan savollar bo‘yicha biryo‘la ikki manbadan javob topishlari mumkin. 

Reklama huquqi asosida