Toshkentning “Lokomotiv” futbol klubi 5-yanvar kuni o‘z safiga ikki nafar yangi futbolchini qo‘shib oldi: Shuhrat Muhammadiyev va Diyor Turopov. Bu haqda klub matbuot xizmati xabar berdi.
Himoyachi Shuhrat Muhammadiyev so‘nggi 4 mavsumni Qarshining “Nasaf” klubi safida o‘tkazgan bo‘lib, jamoaning asosiy himoyachilaridan biri sanalgan. U 2015-yil Avstraliyada bo‘lib o‘tgan Osiyo kubogida O‘zbekiston milliy terma jamoasi sharafini himoya qilgan.
27 yoshli himoyachining “Lokomotiv” safiga o‘tishi borasidagi gap ikki yil avval paydo bo‘lgan. U esa 2017-yilgi mavsum oldidan klub safiga erkin agent sifatida yetib keldi. Qayd etish kerak, Shuhrat Muhammadiyev 2007—2012-yilgi mavsumlar oralig‘ida Muborakning “Mash’al” klubi sharafini himoya qilgan.
“Nasaf” bilan do‘stona xayrlashdim. Murabbiylarning barchasidan minnatdorman, muxlislardan ham. Ulardan hech qachon yomon gap eshitmaganman.22 yoshli Diyor Turopovning katta futboldagi ilk klubi “Olmaliq” bo‘lib, u “Lokomotiv” libosini kiyguniga qadar bo‘lgan 4 mavsum davomida shu klub sharafini himoya qildi. Futbolchi O‘zbekiston o‘smirlar, yoshlar va olimpiya terma jamoasida to‘p surgan. Har ikki qanotda yarim himoyachi sifatida o‘ynay oladi.Klubga Osiyo chempionlar ligasi o‘yinlarida omad tilayman. Kun kelib “Nasaf” safiga yana qaytsam kerak degan xayol bor. Uning eshiklari men uchun ochiq.
“Lokomotiv”ga o‘tishimga asosiy sabab — men chempion bo‘lishni istayman! Bu yerdagi muhit ajoyib ekaniga guvoh bo‘ldim. Meni ili qarshi olishdi. Endi unga foyda keltirish uchun bor kuchimni sarflayman.
Shuhrat Muhammadiyev, “Lokomotiv” himoyachisi
“Lokomotiv” taklif bilan chiqishi bilan unga “Labbay”, deya javob berdim. Klub muvaffaqiyati uchun harakat qilaman. Umid qilamanki, uning oldiga qo‘yilgan vazifalarni uddalashda mening ham hissam bo‘ladi.“Lokomotiv” himoyachi Shuhrat Muhammadiyevga 14, yarim himoyachi Diyor Turopovga esa 77-raqamni taqdim etdi. Futbolchilar erkin agent maqomida bo‘lgani uchun, ularni qo‘lga kiritish yo‘lida “Nasaf” va “Olmaliq” klublariga pul o‘tkazilmagan. Yangi futbolchilar “temiryo‘lchilar” bilan 1 yillik shartnomalarga imzo chekkan.Diyor Turopov, “Lokomotiv” yarim himoyachisi
Ma’lumot uchun, “Nasaf” o‘tgan mavsum yarmiga kelib yarim himoyadagi ikki asosiy futbolchi — Artur Gevorkyan va Erkin Boydullayevdan ham voz kechishga majbur bo‘lgandi.
Avvalroq “temiryo‘lchilar” hujumchi Ivan Nagayev bilan xayrlashgani haqida xabar paydo bo‘lgandi. U bilan raqobatlashishi kerak bo‘lgan Temurxo‘ja Abduxoliqov mavsum davomida 22 ta gol urib, oliy liga to‘purari bo‘ldi. Ivan Nagayev esa so‘nggi mavsumda yetarlicha o‘yin amaliyotiga ega bo‘lmadi va “Lokomotiv”ni tark etdi.
Viktor Kumikov bosh murabbiy bo‘lgan “Olmaliq” klubi esa “Bunyodkor” darvozaboni Akbar To‘rayev bilan 1 yillik shartnoma imzoladi, deb xabar berdi “Championat.asia”. Darvozabon “qaldirg‘ochlar” safida 8 yil to‘p surib, 50 ta o‘yinda maydonga tushgandi.
8 yil “Bunyodkor”da to‘p surdim. U men uchun qadrdon jamoa. Klubdagi oshpazdan tortib, haydovchilarga qadar minnatdorman. 2017-yil “Bunyodkor” uchun omadli bo‘lishini tilayman.“Olmaliq”da meni yaxshi kutib olishdi. Ko‘p yigitlar bilan tanishman. Jamoaga foyda keltirib, muxlislarni xursand qilishga harakat qilaman.
Akbar To‘rayev, “Olmaliq” klubi darvozaboni
Izoh (0)