Тошкентнинг «Локомотив» футбол клуби 5 январь куни ўз сафига икки нафар янги футболчини қўшиб олди: Шуҳрат Муҳаммадиев ва Диёр Туропов. Бу ҳақда клуб матбуот хизмати хабар берди.
Ҳимоячи Шуҳрат Муҳаммадиев сўнгги 4 мавсумни Қаршининг «Насаф» клуби сафида ўтказган бўлиб, жамоанинг асосий ҳимоячиларидан бири саналган. У 2015 йил Австралияда бўлиб ўтган Осиё кубогида Ўзбекистон миллий терма жамоаси шарафини ҳимоя қилган.
27 ёшли ҳимоячининг «Локомотив» сафига ўтиши борасидаги гап икки йил аввал пайдо бўлган. У эса 2017 йилги мавсум олдидан клуб сафига эркин агент сифатида етиб келди. Қайд этиш керак, Шуҳрат Муҳаммадиев 2007—2012 йилги мавсумлар оралиғида Муборакнинг «Машъал» клуби шарафини ҳимоя қилган.
«Насаф» билан дўстона хайрлашдим. Мураббийларнинг барчасидан миннатдорман, мухлислардан ҳам. Улардан ҳеч қачон ёмон гап эшитмаганман.22 ёшли Диёр Туроповнинг катта футболдаги илк клуби «Олмалиқ» бўлиб, у «Локомотив» либосини кийгунига қадар бўлган 4 мавсум давомида шу клуб шарафини ҳимоя қилди. Футболчи Ўзбекистон ўсмирлар, ёшлар ва олимпия терма жамоасида тўп сурган. Ҳар икки қанотда ярим ҳимоячи сифатида ўйнай олади.Клубга Осиё чемпионлар лигаси ўйинларида омад тилайман. Кун келиб «Насаф» сафига яна қайтсам керак деган хаёл бор. Унинг эшиклари мен учун очиқ.
«Локомотив»га ўтишимга асосий сабаб — мен чемпион бўлишни истайман! Бу ердаги муҳит ажойиб эканига гувоҳ бўлдим. Мени или қарши олишди. Энди унга фойда келтириш учун бор кучимни сарфлайман.
Шуҳрат Муҳаммадиев, «Локомотив» ҳимоячиси
«Локомотив» таклиф билан чиқиши билан унга «Лаббай», дея жавоб бердим. Клуб муваффақияти учун ҳаракат қиламан. Умид қиламанки, унинг олдига қўйилган вазифаларни уддалашда менинг ҳам ҳиссам бўлади.«Локомотив» ҳимоячи Шуҳрат Муҳаммадиевга 14, ярим ҳимоячи Диёр Туроповга эса 77-рақамни тақдим этди. Футболчилар эркин агент мақомида бўлгани учун, уларни қўлга киритиш йўлида «Насаф» ва «Олмалиқ» клубларига пул ўтказилмаган. Янги футболчилар «темирйўлчилар» билан 1 йиллик шартномаларга имзо чеккан.Диёр Туропов, «Локомотив» ярим ҳимоячиси
Маълумот учун, «Насаф» ўтган мавсум ярмига келиб ярим ҳимоядаги икки асосий футболчи — Артур Геворкян ва Эркин Бойдуллаевдан ҳам воз кечишга мажбур бўлганди.
Аввалроқ «темирйўлчилар» ҳужумчи Иван Нагаев билан хайрлашгани ҳақида хабар пайдо бўлганди. У билан рақобатлашиши керак бўлган Темурхўжа Абдухолиқов мавсум давомида 22 та гол уриб, олий лига тўпурари бўлди. Иван Нагаев эса сўнгги мавсумда етарлича ўйин амалиётига эга бўлмади ва «Локомотив»ни тарк этди.
Виктор Кумиков бош мураббий бўлган «Олмалиқ» клуби эса «Бунёдкор» дарвозабони Акбар Тўраев билан 1 йиллик шартнома имзолади, деб хабар берди «Championat.asia». Дарвозабон «қалдирғочлар» сафида 8 йил тўп суриб, 50 та ўйинда майдонга тушганди.
8 йил «Бунёдкор»да тўп сурдим. У мен учун қадрдон жамоа. Клубдаги ошпаздан тортиб, ҳайдовчиларга қадар миннатдорман. 2017 йил «Бунёдкор» учун омадли бўлишини тилайман.«Олмалиқ»да мени яхши кутиб олишди. Кўп йигитлар билан танишман. Жамоага фойда келтириб, мухлисларни хурсанд қилишга ҳаракат қиламан.
Акбар Тўраев, «Олмалиқ» клуби дарвозабони
Изоҳ (0)