Kuch oddiylikda ekanligini isbotlagan 10 mashhur shaxs (foto)

Biz ko‘pincha mashhur kishilar oddiy odamlarning hayotidan uzoq deb o‘ylaymiz. Ammo ular orasida shundaylari borki, cheksiz moliyaviy imkoniyatlariga qaramasdan, oddiylikni afzal ko‘radi va shu bilan hurmatimizni qozonadi. AdMe kuch oddiylikda ekanligini isbotlagan o‘n nafar mashhur shaxsni keltirib o‘tdi.

Koko Shanel

Mademuazel Koko dunyodagi barcha ayollarning hayotini osonlashtirdi, axir ular ham, uning o‘zi ham pat taqilgan ulkan shlyapalar, ko‘p qavatli ko‘ylaklar kiyishiga to‘g‘ri kelgan. U mashhur “kichkina qora ko‘ylak ”ni yaratdi va jaket, galstukli bluzka, shlyapa, soyabon, ilmatugma kabi erkaklar kiyim-kechaklarini ayollar orasida urfga kiritdi. Bularning barchasini o‘zi kiyib, shunday kiyimlarda ham chiroyli ko‘rinish mumkinligini ko‘rsatib berdi.

Mark Sukerberg

Facebook asoschisi kiyim tanlashda lo‘ndalikni afzal ko‘radi, shu tufayli uning garderobida kulrang futbolkalar “hukmronlik qiladi”. Uning o‘zi tan olishicha, kiyim-kechak — u o‘z vaqtini sarflashni istaydigan narsa emas. Yosh milliarderning daromadlari esa uning kuniga yuzlab taniqli brendlar kiyim-kechaklarini sotib olish imkonini bersa, ajab emas.

Ingvar Kamprad

IKEA asoschisi uzoq yillar davomida hamma narsada oddiylikni targ‘ib qiladi: kiyimlarni chegirmali do‘konlardan xarid qiladi, arzon oziq-ovqatlar sotib oladi, qariyb 15 yil davomida eskigina Volvo avtomobilidan foydalanmoqda, samolyotlarda ekonom-klassda uchadi, uyi esa o‘z markasi do‘konlarida sotiladigan buyumlar bilan jihozlangan.

Boris Jonson

London sobiq meri, hozirda esa Buyuk Britaniya tashqi ishlar vaziri Boris Jonson ishga kortej bilan emas, oddiy velosipedda boradi. U velosipedni avtomobilning ajoyib muqobili deb hisoblaydi va fuqarolarni undan o‘rnak olishga chaqiradi.

Jennifer Garner

Gollivud go‘zali doim oddiyligi va o‘z moliyaviy imkoniyatlarini ko‘z-ko‘z qilishga intilmasligi bilan ajralib turgan. U oddiy mass-market do‘konlariga boradi, oziq-ovqatlarni esa o‘z farzandlari bilan mutlaqo oddiy bozordan sotib oladi.

Stiv Jobs

O‘zining “fantastik” daromadlariga qaramay, olma imperiyasining otasi va asoschisi hamisha har narsada oddiylikka intilgan: faqat bitta formatdagi kiyimlarni — jinsi shim, qora vodolazka va oq krossovka — kiygan va saroy yoki dang‘illama uy deb atab bo‘lmaydigan uychada yashagan.

Tayra Benks

Taniqli amerikalik model hashamatli restoranlarga umuman e’tibor qaratmaydi. U o‘ziga arzongina ovqatlanib olish mumkin bo‘lgan The Cheesecake Factory kabi yemakxonalar mos keladi deb hisoblaydi.

Rassel Krou

Amerikaning eng talabgir aktyorlaridan biri Los-Anjelesda joylashgan dabdabali hovli-joydagi hayotdan voz kechib, oilasi bilan Avstraliyaga ko‘chib ketdi. Krou rancho va oddiygina jip sotib oldi.

Xayden Kristensen

Mashhurlik bu aktyorga bolaligidayoq yopirildi, shu tufayli 35 yoshigacha u yulduzlar hayotining jozibasidan charchashga ulgurdi. Yaqinda o‘z oilasi bilan vatani Kanadaga ko‘chib o‘tib, u yerda ferma sotib oldi.

Kianu Rivz

Bu aktyorning ezgu ishlari va kamtarona hayot tarzi anchadan buyon el og‘ziga tushgan. U o‘z gonorarlarini doimiy tarzda xayriyaga sarflaydi yoki atrofidagilarga sovg‘alar tarqatadi, juda oddiy kiyinadi va Nyu-York metrosida yurib, shundoq ham hayratda bo‘lgan xalqni yanada hayron qoldiradi.