AQShning Vashington shtati, Jefferson okrugida qutqaruvchilar bir motorli Cessna samolyoti va 4 kishining jasadini topdi. Havo kemasi o‘rmonzor hududda, jarlikda yotgani aniqlandi. Bu haqda shtat transport departamenti ma’lum qildi, deya xabar beradi “RBK”.
Havo kemasi 29-dekabr, payshanba kuni mahalliy vaqt bilan 6:00 da Sietl aeroportidan Port Anjelesga uchgandi. Parvozdan 45 daqiqa o‘tib, samolyotning dispetcher bilan aloqasi uzildi.
Halok bo‘lganlarning nomlari oshkor etilmadi. Hodisa sababi hozircha ma’lum emas.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)