AQSh milliy xavfsizlik agentligi sobiq xodimi Edvard Snouden prezident Barak Obamadan afv so‘ragan shaxslar ro‘yxatidan o‘rin oldi. Bu haqda “Interfaks” xabar bermoqda.
Wikileaks saytiga ko‘plab maxfiy ma’lumotlar yetkazib bergan va hozirda 35 yillik qamoq jazosini o‘tayotgan sobiq harbiy Bredli Menning ham mazkur ro‘yxatda ekanligi bildirilmoqda. Ammo ekspertlar Obama prezidentlikdan ketishidan avval ularning iltimosini qondirishiga shubha bilan qaramoqda.
“Kelgusi haftada Obama afv etilgan ko‘plab kishilar nomini ma’lum qiladi, deb o‘ylayman. Biroq ular orasida bu kabi taniqli shaxslar bo‘lishi ehtimoldan uzoq”, — deya ta’kidladi Minneapolisdagi Avliyo Tomas universiteti professori Maar Osler.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)