BMW i8 2017-yilda yangilanib, yanada baquvvat bo‘ladi

BMW kompaniyasi 2017-yilda i8 gibrid kupesining ko‘rinishini o‘zgartirib, uni zamonaviylashtiradi. Bu haqda Motor xabar bermoqda.

Xabarda qayd etilishicha, yangilangan modelda Formula-E chempionatidagi elektrobolidlarning i8 asosida qurilgan xavfsizlik texnologiyasi foydalaniladi. Avtomobil hajmi 1,5 litrli uch silindrli DVS va elektromotor bilan jihozlangan bo‘ladi. Mashinaning quvvati esa 362 dan 377 ot kuchigacha oshiriladi.

Quvvatning oshirilishi dinamikaga ta’sir qilish-qilmasligi hozircha noma’lum. Hozirgi BMW i8 4,4 soniyada soatiga 100 kilometr tezlikka chiqa oladi. Uning maksimal tezligi elektronika tizimi orqali soatiga 250 kilometrdan oshmaydigan qilib belgilangan.

Bundan tashqari, yangilangan versiyada kupe litiy-ionli, hajmi soatiga 7,1 dan 10 kilovattgacha oshadigan akkumulyator bilan jihozlanadi.

Hozirgi BMW i8 ning narxi turli mamlakatlarda 165 ming dollardan boshlanadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.