Toyota kompaniyasining Rossiyadagi bo‘linmasi — Toyota Motor MChJ 18757 dona Lexus NX avtomobilini qaytarib oladi. Bu haqda “Rosstandart” ma’lum qildi, deya xabar beradi “Interfaks”.
Gap 2014-yil sentabridan hozirga qadar Rossiyada sotilgan Lexus NX 200, Lexus NX 300h va Lexus NX 200t modellari haqida ketmoqda.
Mazkur modellarning barchasida avariya holati yuzaga kelishi xavfi tufayli tormoz tizimi dasturiy ta’minoti yangilanadi. Barcha ta’mirlash ishlari bepul amalga oshiriladi.
Ma’lumot uchun, joriy yilning 11 oyi mobaynida Rossiyada Lexus avtomobillari sotuvi deyarli 20 foizga oshib, salkam 22 ming donani tashkil etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)