O‘zbekiston Prezidenti Shavkat Mirziyoyev 23-dekabr, juma kuni “G.Melnikovaga ‘O‘zbekiston Respublikasi xalq artisti’ faxriy unvonini berish to‘g‘risida”gi farmonni imzoladi. Farmon matni O‘zA tomonidan e’lon qilindi.
Farmonda qayd etilishicha, Galina Melnikova “O‘zbekiston milliy teleradiokompaniyasidagi ko‘p yillik samarali ijodiy faoliyati, diktorlik san’atini rivojlantirish, xalqimizning ma’naviy salohiyatini yuksaltirish, yosh avlodni vatanparvarlik, milliy va umuminsoniy qadriyatlarga hurmat ruhida tarbiyalash ishlariga qo‘shgan munosib hissasi uchun” taqdirlangan.
Oliy toifali diktor Galina Melnikova 1936-yil 23-dekabr kuni tug‘ilgan. “Diktor.uz”ning yozishicha, u 1956-yildan beri O‘zbekiston televideniyesida ishlab kelmoqda. “Axborot” ko‘rsatuvi, bayram konsertlari, reportajlar, hukumat tadbirlari boshlovchisi.
Bungacha “Do‘stlik” ordeni, O‘zbekistonda xizmat ko‘rsatgan artist unvoni, xalqaro “Oltin qalam” mukofoti va Rossiyaning “Pushkin” medali bilan taqdirlangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)