Арзимас бир-икки йил ичида смартфону планшетлар ҳаётимизнинг ажралмас қисмига айланиб улгурди — бугун биз бу қурилмалар ёрдамида нафақат яқинларимиз билан суҳбатлашиб, улар билан бирга суратларга тушишимиз, балки у ёки бу хизматлар, ҳатто маҳсулотлар учун ҳам тўловларни амалга оширишимиз, телефондаги икки тугмани босар-босмай совғалар харид қилишимиз мумкин.
Audiторияси катта ҳисобланган «Uybor.uz»нинг бепул, қулай ва тезкор мобил дастури ўзининг қатор устунликлари билан ҳар бир харидорга орзудаги уйни осон топиш ва кўчмас мулкини муваффақиятли сотиш имконини беради. Масалан, сотиб олмоқчи бўлаётган квартирангизни нафақат батафсил эълонлар рўйхати орасидан, балки харитадан ҳам танлашингиз мумкин. Ҳовли сотишда агентлар хизматидан фойдаланмоқчимисиз? «Агент излаш» функцияси сизга бу борада ёрдам беради.
Мобил дастурнинг энг фойдали функцияларидан бири — «Квартирани баҳолаш» бўлиб, у ўз квартирасини сотмоқчи бўлаётганлар учун ҳам, янги турар жой сотиб олиш истагидагиларга ҳам қўл келиши аниқ.
Хонадон параметрлари — майдони ўлчами, қайси ҳудудда жойлашгани (рўйхатдан танлаш мумкин), у жойлашган бино тури (ғиштлими ё панел?), классификацияси (масалан, банк томонидан қурилганми ёки «Габус»?), таъмир ҳолати (евроремонт, косметик таъмир, таъмирталаб, тоза), унинг метрога қанчалик яқинлиги, хонадонда мебеллар бўлиш-бўлмаслиги, шунингдек, уй нархига сезиларли таъсир қиладиган яна икки жиҳат — «Охирги қават» ва «Бурчакдаги уй» пунктлари бўйича тегишли маълумотларни кўрсатиб, уйнинг тахминий ўртача нархини билиб олиш мумкин.
Масалан, Чилонзор Оқтепа даҳасидаги тўрт қаватли ғиштли уйнинг сўнгги қаватидаги тахминан 40 квадрат метрли таъмирталаб кватиранинг нархи қанча бўлиши мумкин? Барча кўрсаткичларни «Квартирани баҳолаш» саҳифасида кўрсатиб, «Баҳолаш» тугмасини босамиз ва шундай жавоб оламиз (21 декабрь ҳолатига кўра): «Бизнинг фикримизча, сизнинг уйингиз 14 528 дан 16 714 гача туради». Бу рақамларни шунчаки маълумот учун билиб қўйиш ёки бўлмаса смартфонда сақлаб қўйиш ҳам мумкин.
«Uybor.uz» вакилларининг маълум қилишларича, «Квартирани баҳолаш» функциясидаги нархлар Тошкентдаги хонадонларнинг ўртача нархларидан шакллантирилади ва ҳар ой аниқлаштириб борилади.
Уйингизни сотмоқчимисиз? Уй сотиб олмоқчимисиз? Тахминан қанчага нархлашни, қанча пул кераклигини билмаяпсизми? «Uybor.uz»нинг мобил дастуридаги «Квартирани баҳолаш» функциясидан фойдаланиб, сизни қийнаётган саволга жавоб олинг!
Изоҳ (0)