Buyuk britaniyalik erkak ketma-ket yetti yildan buyon ishdagi hamkasblariga Yangi yil sovg‘alarini sotib oladi, har yili sovg‘alarga o‘rtacha 200—300 funtdan sarflaydi, deb yozadi TJournal. Bu yil esa u ming kishi uchun hadyalar tayyorlamoqda.
57 yoshli Stiven Nyuman Mersisayd grafligida yashaydi. U Yadro sanoatini tartibga solish boshqarmasida katta lavozimda ishlaydi. Hamkasblariga har yili sovg‘alar berish g‘oyasi Nyumanda yetti yil oldin paydo bo‘ldi, o‘shanda u o‘zi ishlaydigan bo‘limdagi 12 kishiga onlayn do‘kondan chegirma bilan xarid qilingan bosh kiyimlarni hadya qilgan edi. Xodimlarning quvonchini ko‘rib, Nyuman buni an’anaga aylantirishga qaror qildi.
Lavozimi oshib borgani sari, 2011-yilga kelib, Nyuman 50 nafar, 2015-yilga kelib esa, 500 nafar hamkasbiga syurpriz tayyorladi. U o‘z hamkasblari yuzida tabassumni ko‘rib, sevinishini aytadi.
Nyuman sovg‘alarni butun yil bo‘yi sotib oladi, u doim manfaatli takliflarni qidiradi va yakunda barchasiga ko‘pi bilan 300 funt sarflaydi.
Nyumanning qo‘shnilari, do‘stlari ko‘pincha undan nima uchun bunday xayriya bilan shug‘ullanishi haqida so‘raydi. Ammo, Nyumanning o‘z so‘zlariga ko‘ra, bu unga shunchaki zavq bag‘ishlaydi.
Izoh (0)