BBC One канали 11 декабрь куни «Ер сайёраси II» ҳужжатли телесериалининг сўнгги қисми эфирга узатилди. Ҳозирча Ўзбекистондан туриб мазкур сериални қонуний йўл билан томоша қилиш имкони йўқ, бироқ бир бутун фасли намойиши давомида унинг турли қизиқарли лавҳалари тез-тез ОАВнинг қизиқарли мавзуларидан бирига айланди. Meduza нашри «Ер сайёраси» сериали иккинчи фаслининг энг қизиқарли лавҳалари — илонлардан қочаётган машҳур игуанадан тортиб, романтик капачи-қушгача ҳаммасини бир саҳифага жамлади.
«Ер сайёраси II»нинг сўнгги қисми шаҳар муҳитида яшаб келаётган ёввойи ҳайвонларга бағишланди. Ариқларга тиқилиб қолган тошбақалар, каптарлар, енотлар, тунда гўшт бозорига ҳужум уюштирадиган олачипор сиртлонлар, шунингдек, эҳтиросли капачи-қуш мазкур қисм қаҳрамонлари бўлди.
Нар капачи-қуш ўз модасига шаҳар кўчаларидан ранг-баранг чиқиндиларни олиб келади. Пластик санчқи ва овқат қадоқларидан ташқари, уларнинг инида бахмал юракча ҳам пайдо бўлади.
https://twitter.com/BBCOne/status/808044992656773121
Шунингдек, сериалнинг бу қисмида сезилар-сезилмас тарзда шаҳар назоратини ўз қўлига олган ҳинд маймунлари ҳақида ҳам сўз боради. Улар нафақат уй-жойларга бостириб киради, балки ўткинчиларнинг газланган сувларини ҳам тортиб олади.
Бу эса «Яйловлар» қисмидаги антилопа боласи. Туғилганига эндигина уч соат бўлган, бироқ у ўзининг биринчи ўкиришини оламга эшиттиришга улгурди.
A three-hour-old antelope practises his “roar”…😂 #PlanetEarth2 pic.twitter.com/yyu9HFOoKY
— BBC One (@BBCOne) December 4, 2016
Бахмал тўқимачи-қушларнинг баландликка сакраш бўйича мусобақаси. Нар қушлар шу йўл билан модаларнинг эътиборини тортишга ҳаракат қилади. Модалар эса баландроқ сакраган ва чиройлироқ нарни ўзига танлайди.
Капибара ягуарнинг кайман тимсоҳи тановул қилишига гувоҳ бўлиб, ҳайратдан оғзи очилиб қолди ва юлдузга айланди.
https://twitter.com/King_Louis_XIX/status/800468707269033984
Ўзига жуфт излаётган сўққабош ялқов. Урғочи ялқовнинг овозини эшитиб, у дарахтгача сузиб бориб, унга кўтарилди, бироқ кейин хафсаласи пир бўлди — урғочи ялқов ёлғиз эмас эди.
Тулкилар дала сичқонларини тутиб олиш учун қорга шўнғийди. Бироқ бу тулки нотўғри ўрани танлаб қўйди. Кетма-кет уч марта.
https://twitter.com/BBCEarth/status/805512037816274944
Бутун бошли шерлар тўдаси томонидан овланган жирафа ҳақиқий афсонага айланди. Жирафа ўзига ҳужум қилаётган урғочи шерни ер тишлатиб, нари югуриб кетди.
That’s gotta hurt. #PlanetEarth2 pic.twitter.com/NYm0313RWP
— BBC One (@BBCOne) November 27, 2016
Қор қоплони (илвирс) — энг чиройли ва башанг йиртқичлардан бири. У Ҳимолай тоғларида, денгиз сатҳидан 6 минг метр баландликда яшайди.
Бу эса ижтимоий тармоқлар фойдаланувчиларнинг ҳайрати ва олқишларига сазовор бўлган афсонавий игуана. Янги туғилган рептилия уни тутиб, еб қўйиш ниятида бўлган ўнлаб илонлар ҳамласидан қочишга мажбур бўлди. У илонлар чангалидан омон чиқиб, жонини сақлаб қолди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)