Koreya Respublikasi Konstitutsiyaviy sudida prezident Pak Kin Xening impichmenti to‘g‘risidagi ish birinchi marta 22-dekabr kuni ko‘rib chiqiladi, deya xabar bermoqda “TASS” Janubiy Koreya OAVlariga tayanib.
Janubiy Koreya parlamenti 9-dekabr kuni mamlakat prezidenti Pak Kin Xega nisbatan impichment e’lon qilish haqida qaror qabul qilgan edi. Bunga uning dugonasi bilan bog‘liq korrupsiyaviy mojaro sabab bo‘ldi.
Impichment Konstitutsiyaviy sud ushbu qarorni ko‘rib chiqqunga qadar prezidentning davlat rahbari sifatidagi barcha vakolatlarini vaqtincha to‘xtatadi.
Konstitutsiyaviy sud bu qarorning qonuniyligini 180 kun ichida ko‘rib chiqadi. Bu vaqt ichida esa mamlakat bosh vaziri Xvan Gyo An prezidentning vazifalarini o‘ziga oladi.
Izoh (0)