Rossiyaning Irkutsk viloyatida 20-dekabr, seshanba kuni ommaviy zaharlanish tufayli hayotdan ko‘z yumganlar xotirasiga motam e’lon qilindi. Bu haqdagi qaror gubernator Sergey Levchenko tomonidan imzolandi, deya xabar beradi “TASS”.
Tarkibida metil spirti va antifriz topilgan suyuqlikni iste’mol qilish oqibatida bugungi kungacha 53 kishi halok bo‘ldi. Ulardan 25 nafari Irkutsk kasalxonalarida olamdan o‘tdi, qolganlarini kasalxonaga yetkazishga ham ulgurilmadi.
Hozirda kasalxonalarda zaharlanganlardan 28 kishi qolmoqda, ulardan 13 nafari jonlantirish bo‘limida. Barcha jabrlanganlar bir hudud — Novo-Lenino kichik tumanida istiqomat qilgan va “Boyarishnik” parfyumeriya-kosmetika vositasini iste’mol qilgan.
Irkutskda favqulodda holat tartibi joriy etilgan. Viloyatdagi barcha do‘konlarda tarkibida spirt bo‘lgan nooziq-ovqat mahsulotlari sotuvi taqiqlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)