4 ta “Oltin to‘p” olgan Krishtianuning 4 ta goli “Real Madrid”ni klublar o‘rtasida ikkinchi bor Jahon chempioni qildi

Madridning “Real”i klublar o‘rtasidagi Jahon Chempionatining finalida zafar quchdi.

Yaponiya chempioni “Kashima Antlers”ga qarshi kechgan hal qiluvchi bellashuvning asosiy vaqti 2:2 hisobidagi durang bilan yakuniga yetgandi. Asosiy vaqtda 1 ta gol urgan Krishtianu Ronaldu, qo‘shimcha vaqtda yana 2 ta to‘p kiritib, “qirollik klubi”ning g‘alabasini ta’minladi. U yarim finalda ham 1 ta gol urishga muvaffaq bo‘lgandi.

Klublar o‘rtasidagi Jahon Chempionatida eng ko‘p bor “Barselona” zafar quchgan: uch bor. “Real”da esa bunday sovrinlar soni 2 taga yetdi va u bu borada Braziliyaning “Korintians” klubi bilan tenglashib oldi.

“Real” ikkinchi chempionlik yo‘lida Meksikaning “Amerika” klubini 2:0 hisobida taslim qilishga muvaffaq bo‘lgandi. “Kashima Antlers” klubi esa finalga qadar Yangi Zelandiyaning “Oklend Siti” klubini 2:1, Afrika chempionini 2:0, Kolumbiyaning “Atletiko Nasyonal” klubini esa 3:0 hisoblarida mag‘lub etgandi.

Musobaqada Osiyo chempioni sifatida ishtirok etgan Janubiy Koreyaning “Chonbuk Motors” futbol klubi chorak finalda Meksika jamoasidan 1:2 hisobida yengilgandi. Turnirning 5-o‘rin uchun kechgan o‘yinida esa Afrika chempioni 4:1 hisobida taslim qilingan.

Musobaqaning 3-o‘rni Kolumbiyaning “Atletiko Nasyonal” futbol klubiga nasib qildi.

Klublar mundiali Final 18-dekabr, yakshanba

“Kashima Antlers” — “Real Madrid” 2:4

3-o‘rin uchun

“Amerika” — “Atletiko Nasyonal” 2:2 pen 3:4