Futbol bo‘yicha Yevropa Chempionlar Ligasining “B” guruhida so‘nggi tur bellashuvlari bo‘lib o‘tdi va pley-offga yo‘llanma olgan klublar nomiga oydinlik kiritildi.
Ketma-ket 5 ta turni mag‘lubiyatsiz o‘tkazgan Turkiyaning “Beshiktosh” klubi 1/8 finalga yo‘llanma ola bilmadi. Kiyevda “Dinamo” mehmoni bo‘lgan klub o‘z darvozasidan javobsiz 6 ta gol o‘tkazib yubordi.
“Dinamo” har qanday natija qayd etsa ham, xattoki Yevropa Ligasi eshiklarini o‘zi uchun ocha olmasdi. Shunga qaramay kiyevliklar turk klubining oyog‘idan tortib qoldi. “Beshiktosh” endilikda xalqaro maydondagi yurishini Yevropa Ligasida davom ettiradi.
O‘z maydonida mag‘lub bo‘lganiga qaramay, “Benfika” 1/8 final chiptasini qo‘lga kiritdi. Qiziq tomoni, Portugaliya klubi o‘zaro o‘yinlarda na “Napoli”dan va na “Beshiktosh”dan ustun bo‘ldi.
Yevropa Chempionlar Ligasi “B” guruhi. 6-tur 6-dekabr, seshanba
“Benfika” — “Napoli” 1:2
Gollar: Xose Kalyexon, 60 (0:1). Dris Mertens, 79 (0:2). Raul Ximenes, 87 (1:2).“Dinamo Kiyev” — “Beshiktosh” 6:0
Gollar: Artyom Besedin, 9 (1:0). Andrey Yarmolenko, 30-pen (2:0). Vitaliy Buyalskiy, 32 (3:0). Derlis Gonsales, 45+3 (4:0). Sergey Sidorchuk, 60 (5:0). Morayes, 77 (6:0).Chetlatishlar: Andres Bek, 29 (B). Vensan Abubakar, 56 (B).
Izoh (0)