Ukraina bosh vaziri Denis Shmigal Rossiya butun urush davomida Ukraina hududidagi 250 mingdan ortiq turar-joy binosini vayron qilganini maʼlum qildi. Bu haqda “Ukrinform” nashri xabar berdi.
Manbada aytilishicha, Denis Shmigal 3-may kuni hukumat yog‘ilishi paytida Rossiya tomonidan Ukraina shaharlariga yetkazilgan talafot haqida hisobot eʼlon qilgan. Hisobotga ko‘ra, hozirda 250 ming bino yashash uchun yaroqsiz holatda.
Ukraina bosh vaziri ,shuningdek, mamlakatni qayta tiklash uchun sarflanishi talab etiladigan mablag‘ borasida ham hisobotini o‘qib eshittirgan. Unga ko‘ra, urush tufayli iqtisodiyoti vayron bo‘lgan mamlakatni tiklash uchun kamida 486 milliard dollar kerak bo‘ladi.
“Ukraina ozodligi uchun kurash davom etmoqda. Ammo biz mamlakatni qayta tiklashni hozirdan rejalashtirmoqdamiz. Hamkorlarni jalb qilib, resurslar izlayapmiz”, — degan Shmigal.
Ukraina vakili kompensatsiya borasida Ukrainaning Rossiyaga talablari va bu boradagi pozitsiyasi o‘zgarmasligini maʼlum qilgan. Rossiya hamma narsa uchun badal to‘lashi kerakligi taʼkidlangan.
Xabarda qo‘shimcha qilinishicha, urush davomida Ukrainadagi 4000 ga yaqin maktab, 1000 dan ortiq kasalxona va boshqa ko‘plab obyektlar ham vayron bo‘lgan. Mamlakat sharqidagi energiya tizimlari yaroqsiz holga kelayotgani aytilgan.
Izoh (0)