Buyuk Britaniyada zamonaviy san’at sohasidagi eng nufuzli Tyorner mukofotini 2016-yilda rassom va haykaltarosh Xelen Marten qo‘lga kiritdi, deya xabar bermoqda Meduza.
Marten Nyu-Yorkdagi Eucalyptus, Let Us in shaxsiy ko‘rgazmasi hamda 56-Venetsiya biyennalesi doirasida taqdim etilgan Lunar Nibs loyihasi uchun mukofotga loyiq deb topildi.
Marten kundalik buyumlarni noodatiy kontekstga joylagan holda, installyatsiyalar yaratadi.
Tyorner mukofotining pul ekvivalentini Marten uch nafar finalchi bilan bo‘lishib olishga va’da berdi.
1984-yilda ta’sis etilgan Tyorner mukofoti Buyuk Britaniyada istiqomat qiladigan 50 yoshdan kichik bo‘lgan rassomlarga beriladi. Mukofotning pul ekvivalenti 25 ming funt sterlingga teng bo‘lib, finalchilarning har biri 5 ming funt sterlingni qo‘lga kiritadi.
Izoh (0)